უმრავლესობის დეპუტატი გუგული მაღრაძე გიორგი კანდელაკს ურჩევს, „საქმე აკეთოს“. ასე ეხმაურება მაღრაძე უმცირესობის დეპუტატის დღევანდელ განცხადებას.

უმრავლესობის წევრი ურჩევს კანდელაკს მისი დისერტაცია წაიკითხოს და კრიტიკა შემდეგ გააგრძელოს.

„ცოტა გამიკვირდა ამ კვრაში კანდელაკმა რამე ისეთი რომ არ გამოახტუნა, რომელიც საკონფლიქტო იქნებოდა, ეტყობა ეს ჰქონდა შემონახული, როგორც ბომბა. კანდელაკს გავახსენებ, რომ მე არ ვარ 25 წლის ახალგაზრდა ადამიანი. მე ვცხოვრობდი იმ ეპოქაში, რომელსაც საბჭოთა ეპოქა ერქვა, მიუხედავად იმისა, რომ იმ ეპოქაში საკმაოდ ძნელი იყო გარკვეული შეხედულებების გატანა, ჯერ კიდევ სკოლის ასაკში მახსოვს, რომ სკოლის დირექტორი მეუბნებოდა, რომ რაღაც ისეთს ნუ იტყვი, უხერხულობაში არ ჩაგვაგდო... არ ვამბობ, რომ დისიდენტი ვიყავი, მაგრამ ჩემს შრომაში, ფსიქოლოგიაში, ჩემი დისერტაცია უნდა აეღო კანდელაკს და ენახა. ეს არის ბროშურა, რომელიც მე დავწერე. კანდელაკი დაჯდეს თავისთვის და აკეთოს თავისი საქმეები. "- განაცხადა გუგული მაღრაძემ.