საბჭოეთის მეხოტბე გუგული მაღრაძის "ფერისცვალება" პროევროპელობისკენ

პოლიტიკა - 21:15, 26 Jan, 2016

2020

„ქართული გაზეთის“ ახალ ნომერში გუგული მაღრაძის მიერ 1983 წელს დაწერილი ბროშურის შესახებ პუბლიკაცია გამოქვეყნდება.

როგორც გამოცემის ფეისბუკგვერდზეა ნათქვამი ეს ბროშურა - „ახალი ადამიანის აღზრდა და ჰარმონიული განვითარება“ - ეხება ახალი, საბჭოთა ადამიანის აღზრდისა და კომუნისტური მორალის საკითხებს.

„კომუნიზმის მშენებლობის საბოლოო მიზანს წარმოადგენს ახალი ტიპის ადამიანი, ყოველმხრივი და ჰარმონიულად განვითარებული. არსებითი ადამიანური ძალებისთავისუფალი და სრული გამოვლინება არის კომუნიზმის წარმატებით მშენებლობის აუცილებელი პირობა. მარქსიზმი ადამიანის პიროვნებაში ხედავს უმაღლეს ღირებულებას წარმოების განვითარება სოციალური და პოლიტიკური გარდაქმნის თვითმიზანი კი არა, არამედ საშუალებაა ადამიანური პიროვნების გაფურჩქვნისა“ - წერს გუგული მაღრაძე

ასევე ბროშურაში ვკითხულობთ: „ლენინი ჯერ კიდევ 1902 წელს განსაცვიფრებელი გამჭრიახობით ხაზს უსვამდა, რომ სოციალისტურ და კაპიტალისტურ საზოგადოებაში წარმოების ორგანიზაციას შორის პრინციპული განსხვავებულობა და წინააღმდეგობრიობა საზოგადოების წევრების მოთხოვნილებების დაკმაყოფილების ხარისხში კი არ მდგომარეობს, არამედ „საზოგადოების ყველა წევრის სრულ კეთილდღეობასა და თავისუფალი ყოველმხრივი განვითარების უზრუნველყოფაშია“

30 გვერდიან ბროშურაში გუგული მაღრაძე 14-ჯერ ახსენებს ლენინს, იშველიებს ლენინის 5 ვრცელ ციტატას, 6-ჯერ ახსენებს „კომუნიზმს“, „სოციალისტურს“ – 16-ჯერ, „კომუნისტურს“ – 12-ჯერ, „მორალს“ – 53-ჯერ...
მის ლექსიკონს ამშვენებს, ასევე, „მარქსისტულ-ლენინური მსოფლმხედველობა“, „მარქსიზმი“, „მარქსისტული“, „ცხოვრების საბჭოური წესი“, „საბჭოთა ადამიანი“, „ბურჟუაზია“, „ბურჟუაზიული პროპაგანდა“, „ბურჟუაზიული იდეოლოგია“, „ბურჟუაზიული საზოგადოება“