„ერთიანი ნაციონალური მოძრაობის“ დეპუტატ მიხეილ მაჭავარიანის განცხადებით, თუ მთავრობის გადაწყვეტილებით სპეციალური საარჩევნო უბნები უქმდება, 28 იანვრის გარდაბნის არჩევნებსაც უნდა შეეხოს.

„ეს გიორგი კვირიკაშვილის პირველი განცხადება არაა, როცა ერთს ამბობს, მაგრამ მეორე ხდება. შეგახსნებეთ, რომ ჩვენ შევთავაზეთ ეკონონიკურ პროგრამაზე შეხვედრა, გავიდა უკვე ერთი კვირა, ლარი უფასურდება, თუმცა შეხვედრა არ შედგა.

რაც შეეხება სპეცუბნებს, აქ ვითარება უფრო დრამატულია, 2014 წლის ადგილობრივ არჩევნებში, არცერთი სპეცუბანი არ იყო გარდაბანში, დღეს 700 კაციანი სპეცუბანი დაამატეს, რადგან ხელისუფლებას დამარცხების ეშინია. ჩვენ იმ შემთხვევაში ჩავთვლით რომ კვირიკაშვილი თავის სიტყვას ასრულებს, თუ 28-ში გარდაბანში სპეცუბანი არ გაიხსნება და აქ დარეგისტრირებული ადამიანები მონაწილეობას ვერ მიიღებენ არჩევნებში“, - ამბობს მაჭავარიანი.