საკრებულოს ფრაქცია „ნაციონალური მოძრაობის“ წევრები მერიის კეთილმოწყობის სამსახურის უფროსს ხვდებიან. შეხვედრა კამათის ფონზე მიმდინარეობს.

ოპოზიციის წევრებმა კეთილმოწყობის სამსახურის განყოფილების ხელმძღვანელის მოვალეობის შემსრულებელი მაია გოგიბერიშვილი კორუფციაში დაადანაშაულეს. როგორც ირაკლი აბესაძემ განაცხადა, სწორედ გოგიბერაშვილია იმ კომპანიის ხელმძღვანელი, რომელსაც ჰქონდა ვალდებულება აღებული ზაჰესის ხიდის სარეაბილიტაციო სამუშაოებთან დაკავშირებით.

"ქალბატონი რომელზედაც ვსაუბრობთ, რომელსაც აპირებენ რომ ჩააბარონ ქალაქის ინფრასტრუქტურის მშენებლობა, არის იმ კომპანიის ყოფილი დირექტორი, რომელმცა ზაჰესის ხიდი გაჭედა და დაასამარა, რაც ყველაზე მნიშვნელოვანია მილიონ ნახევარი ლარი მოიპარა. მისი გადმოყავანა მერიაში სამარცხვინო ფაქტია. ეს არის კორუფციული კავშირი მერიასა და ამ კომპანიას შორის ", - აღნიშნა აბესაძემ.

თბილისის მერიის კეთილმოწყობის სამსახურის უფროსის გივი კუბლაშვილის თქმით, ოპოზიცია გოგიბერიშვილს უსაფუძვლო ბრალდებებს უყენებს. მისი ინფორმაციით, გოგიბერიშვილი საქმის კარგად მცოდნეა და ამიტომ დასაქმდა კეთილმოწყობის სამსახურში.