საქართველოს პრემიერ-მინისტრის განცხადებით მთავარია, რომ ოპოზიცია და ხელისუფლება კონფრონტაციული ფორმატიდან გამოვიდეს და უთიერთობა საუბრის რეჟიმში გაგრძელდეს. აღნიშნული განცხადება გიორგი კვირიკაშვილმა საარჩევნო რეფორმის საკითხებთან დაკავშირებით ინტერპარტიულ ჯგუფთან შეხვედრის დროს გააკეთა:

„ვაჩვენოთ ჩვენს პარტნიორებს მთელ მსოფლიოში, რომ ჩვენ შეგვიძლია ცივილიზებულად ვისაუბროთ ერთმანეთთან. არამხოლოდ ვისაუბროთ, არამედ მოვისმინოთ ერთმანეთის და ჩავატაროთ მართლაცდა სამაგალითო არჩევნები. ამას განსაკუთრებით დიდი მნიშვნელობა აქვს გამომდინარე იქიდან, რომ ჩვენ ვიმყოფებით ევროკავშირთან ასოცირების ძალიან მნიშვნელოვან პროცესში. დიდი მნიშვნელობა აქვს იმ კუთხითაც, რომ საქართველომ ბოლო პერიოდში ევროკავშირთან დაახლოების გზაზე გადადგა მნიშვნელოვანი ნაბიჯები. დიდი მნიშვნელობა უბრალოდ იმისთვისაც აქვს, რომ ჩვენ შევძლოთ ერთმანეთის მოვისმინოთ, რაღაც შეიძლება გავითვალისწინოთ, რაღაც შეიძლება არა. მაგრამ მთავარია ჩვენ კონფრონტაციული ფორმატიდან გამოვიდეთ და გადავიდეთ საუბრის რეჟიმში.“- განაცხადა გიორგი კვირიკაშვილმა.