უმრავლესობა იძულებული იქნება დღის წესრიგში დააყენოს საარჩევნო სისტემის ცვლილება- რატიანი

პოლიტიკა - 12:21, 25 Jan, 2016

1250

„ნაციონალური მოძრაობის“ ერთ-ერთი ლიდერის სერგო რატიანის განცხადებით პროპორციულ საარჩევნო სისტემასთან დაკავშირებით პოლიტიკურ ძალებს შორის საერთო კონსესუსია და ამასთან დაკავშირებით კითხვები არ არსებობს. საარჩევნო ცვლილებებთან დაკავშირებით მმართველი ძალის მხრიდან წამოსული წინააღმდეგობა კი მათ მიერ ძალაუფლების დ უმრავლესობის შენარჩუნების სურვილს უკავშირდება. აღნიშნული განცხადება რატიანმა საკონსტიტუციო ცვლილებებზე მომუშავე საყოველთაო-სახალხო განხილვის საორგანიზაციო კომისიის შეხვედრაზე გააკეთა:

„მიუხედავად იმისა, რომ უმრავლესობას არ სურდა დღის წესრიგში დამდგარიყო საკონსტიტუციო ცვლილებები, რომელიც ითვალისწინებს სარჩევნო სისტემის შეცვლას. ჩვენ, მთელმა ოპოზიციმ, როგორც საპარლამენტო , ასევე არასაპარლამენტომ შევაგროვეთ 240 ათასი ხელმოწერა და ამის საფუძველზე შეიქმნა საკონსტიტუციო კომისია, რომელმაც იმუშავა ორი თვის განმავლობაში და დღეს უმრავლესობა იძულებული იქნება დღის წესრიგში დააყენოს განხილვა, რომელიც ითვალისწინებს ცვლილებას. იმასთან დაკავშირებით რომ პროპორციული სისტემა არის გაცილებით სამართლიანი ამაზე კითხვები არ არსებობს. უბრალოდ უმრავლესობა ამბობს, რომ ერთხელაც ჩავატაროთ ძველი სისტემით , რაც ითვალისწინებს იმას რომ ძველი სისტემით და ყველა ძალით სურს უმრავლესობის ისევ შენარჩუნება“- განაცხადა სერგო რატიანმა.

საკონსტიტუციო ცვლილებებზე მომუშავე საყოველთაო-სახალხო განხილვის საორგანიზაციო კომისიის შემაჯამებელ შეხვედრაზე მხარეები იმ საკონსტიტუციო ცვლილებებს განიხილავენ, რომელიც საარჩევნო კოდექსშიც უნდა აისახოს.

ცვლილებათა პაკეტი 200 ათასი ამომრჩევლის მიერ საკანონმდებლო ინიციატივის წესითაა წარმოდგენილი და მაჟორიტარულიდან სამხარეო პროპორციულ წესზე გადასვლას გულისხმობს.