ჯარისკაცებს ხმის უფლება აქვთ და არჩევნების დღეს მათი სახლში გაშვება ვერ მოხერხდება

ჯარისკაცებს ხმის უფლება აქვთ და არჩევნების დღეს მათი სახლში გაშვება ვერ მოხერხდება - სუბარი

პოლიტიკა - 20:30, 24 Jan, 2016

1324

არასამთავრობოების მოთხოვნას არ ეთანხმება ლტოლვილთა და განსახლების მინისტრი. სოზარ სუბარის თქმით, ჯარისკაცებს აქვთ ხმის უფლება და ერთი დღით მათი სახლში გაშვება ვერ მოხერხდება.

“მიკვირს ასეთი პროტესტები იმ არასამთავრობო ორგანიზაციებისგან, რომლებიც მაგალითად წლების მანძილზე იბრძოდნენ იმისთვის, რომ პატიმრების ნაწილს ჰქონოდათ ხმის მიცემის უფლება და ახლა როგორ წარმოუდგენიათ, რომ გავუშვათ არჩევნების დღეს ის პატიმრები, რომლებმაც მიიღეს ეს უფლება მათი ლობირებით. ჯარისკაცს აქვს ხმის უფლება, მაგრამ ის, რომ დავშალოთ სამხედრო ნაწილი და ერთი დღით ყველა ჯარისკაცი გავუშვათ თავის სახლში ეს ვერ მოხდება. ასე, რომ კანონის უზენაესობა ამ შემთხვევაში არის დაცული“ - განაცხადა სუბარმა.

არასამთვარობო ორგანიზაციებმა ,,საია“-მ, ,,სამართლიანმა არჩევნებმა“ და ,,საერთაშორისო გამჭვირვალობა - საქართველომ“ გარდაბანში სპეცუბნების გაუქმებას მოითხოვეს. არასამთავრობო ორგანიზაციები, „სამართლიანი არჩევნებისა და დემოკრატიის საერთაშორისო საზოგადოება“, საქართველოს ახალგაზრდა იურისტთა ასოციაცია და „საერთაშორისო გამჭვირვალობა - საქართველო“ უარს აცხადებენ თავდაცვის სამინისტროს შემოთავაზებაზე, არჩევნებამდე რამდენიმე დღით ადრე მოინახულონ სპეციალური საარჩევნო უბანი, რომელიც სამხედრო მოსამსახურეებისთვის გარდაბნის გამგებლის 28 იანვრის რიგგარეშე არჩევნებისთვის შეიქმნა.