„კაცი, რომელიც გუშინ მანქანების გამყიდველი იყო, დღეს მინისტრია“

„კაცი, რომელიც გუშინ მანქანების გამყიდველი იყო, დღეს მინისტრია“ - კახა ცხადაძე

პოლიტიკა - 22:41, 23 Jan, 2016

11143

საქართველოს სპორტის მინისტრთან დაპირისპირების შესახებ ისაუბრა საქართველოს ეროვნული ნაკრების მწრთვნელმა. კახა ცხადაძემ JAKO FM-თან მიცემულ ექსკლუზიურ ინტერვიუში განაცხადა, რომ ტარიელ ხეჩიკაშვილმა მისი ხელფასის დასახელებით კონფიდენციალურობა დაარღვია და თან არასწორი რიცხვი დაასახელა. ცხადაძე ხეჩიკაშვილს კანონმდებლობაში ჩახედვას ურჩევს.

„კაცი, რომელიც გუშინ მანქანების გამყიდველი იყო და ბიზნესმენი, დღეს მინისტრია, შეიძლება, არაკომპეტენტურია, მაგრამ უნდა წაიკითხოს რაღაც კანონები, რაღაც უნდა წაიკითხოს საერთოდ.“- განაცხადა ცხადაძემ.

საქართველოს საფეხბურთო ნაკრების მწვრთნელი ამბობს, რომ მის მთავარ მწვრთნელობას ხეჩიკაშვილის გარდა ფედერაციის ვიცეპრეზიდენტი კახა ჭუმბურიძესაც ეწინააღმდეგება.

შეგახსენებთ, საქართველოს ნაკრების მწრთვნელ კახი ცხადაძესა და სპორტის მინისტრ ხეჩიკაშვილს შორის დაპირისპირება ანაზღაურების ახალი მოდელის შეთავაზებით დაიწყო. საქართველოს ეროვნული საფეხბურთო ნაკრების მწვრთნელის განცხადებით ის არ აპირებს თანამდებობა დატოვოს, მიუხედავად იმისა, რომ სპორტის მინისტრს ტარიელ ხეჩიკაშვილს მისი ნაკრებიდან გაშვება უნდა. ცხადაძის თქმით მისსა და ფეხბურთის ფედერაციას შორის დაძაბულობის არსებობას სწორედ მინისტრი უწყობს ხელს, რადგან ხეჩიკაშვილი მის შემცვლელად ერთ-ერთ პიროვნებას ლობირებს.