ექსკლუზივი: უკრაინის წინააღმდეგ მებრძოლ ოკუპანტებს აფხაზეთში ქართველების სახლებს ჩუქნიან

პოლიტიკა - 19:08, 22 Jan, 2016

5954

საქართველოს ოკუპირებულ ტერირიტორიაზე რუსეთის თავდაცვის სამინისტროს სამხედრო ვერტმფრენები დააფიქსირეს.

როგორც „ნიოუპოსტს“ ოკუპირებულ გალში უთხრეს, ვერტმფრენები საოკუპაციო ხაზის მიმდებარე ტერიტორიაზე ორ საათზე მეტია გადადგილდება.

ერთ-ერთი ვერსიით, რუსმა ოკუპანტებმა ვერტმფრენით რუსული საგუშაგოები დაათვალიერეს და ოკუპაციის ხაზი დაასურათეს, რომ საგუშაგოების განლაგების ახალი სქემა შეადგინონ.

როგორც „ნიუპოსტმა“ გაარკვია ახალი გეგმის მიხედვით, ყოველ 3 კილომეტრში ერთი მოძრავი საგუშაგო უნდა განთავსდეს.

ამასთან, ნაბაკევთან არსებული ერთ-ერთი ყველაზე დიდი ბაზა - ზედა გალის ტერიტორიაზე კერძოდ, ჩეღალში გადავა. ეს სოფელი სტრატეგიულად ერთ-ერთი ყველაზე მნიშვნელოვანი სოფელია, რადგან იქ არის ენგურჰესის სადერივაციო გვირაბი, საიდანაც წყალი საბერიოს მიმართულებით ეშვება.

აღნიშნული ბაზა 2 000 კაცისგან უნდა დაკომპლექტდეს. როგორც რუსი სამხედროები აცხადებენ, მათ რიგებში ჩეჩენი მებრძოლებიც იქნებიან, უფრო კონკრეტულად 10 სამხედროს შორის 4 ჩეჩენი იქნება.

ჩეჩენი მებრძოლები ოკუპირებულ აფხაზეთში ოჯახებით ჩადიან, დე-ფაქტო ხელისუფლება კი მათ ქართველების მიერ დატოვებულ სახლებში ცხოვრებას სთავაზობს. ცნობილია, რომ ქირას რუსეთის ხელისუფლება გადაიხდის.

„ნიუპოსტის“ ინფორმაციით, აფხაზეთის დე-ფაქტო ხელისუფლების გადაწყვეტილებით, უკრაინაში რუსეთის მხარეს მებრძოლი ჯარისკაცები საჩუქრად სოხუმში, გაგრასა და ოჩამჩირეში მდებარე ქართველების სახლების მიიღებენ.

დღეს ასეთ სამხედროებს საცხოვრებელი სახლები პირადად რაულ ხაჯიმბამ გადასცა.