,,კოალიციაში კვოტებზე საუბარი არ დაწყებულა, ,,ეროვნული ფორუმიდან“ ამ საკითხზე არავინ არავის ხვდება“

,,კოალიციაში კვოტებზე საუბარი არ დაწყებულა, ,,ეროვნული ფორუმიდან“ ამ საკითხზე არავინ არავის ხვდება“ - ანი მიროტაძე

პოლიტიკა - 18:29, 22 Jan, 2016

1021

საარჩევნო კვოტები პოლიტიკური განქორწინების საბაბი შეიძლება გახდეს.
წინასაარჩევნო მედიაში აქტიურად განიხილება კოალიცია ,,ქართული ოცნების" შიგნით კვოტების გადანაწილების თემა.
რას ამბობენ ,,ეროვნულ ფორუმში", თემის დეტალებზე ,,ნიუპოსტი" პარტიის ერთ-ერთ ლიდერს ანი მიროტაძეს ესაუბრა.

,,ეროვნულ ფორუმში" მიიჩნევენ, რომ ქვეყნის წინაშე არსებული გამოწვევების შესახებ პოზიციების შეჯერება იქნება მთავარი განმსაზღვრელი ფაქტორი და არა წინასაარჩევნო პროცესის დროს გადანაწილებული კვოტები.

მიროტაძე პოლიტსაბჭოში კვოტებზე მსჯელობას არ ადასტურებს, თუმცა იქვე აცხადებს, რომ თუ სხვა პოლიტიკური სუბიექტები ერთმანეთთან დამოიკიდებელ მოლაპარაკებას აწარმოებენ, ეს მას არ უნდა ვკითხოთ, ვინაიდან მისთვის ამის შესახებ ცნობილი არ არის.

- ამბობენ, რომ „ქართულ ოცნებაში“ კვოტებისთვის ბრძოლა აქტიურ ფაზაში შევიდა...

- ჩემი ინფორმაციით, არანაირ კვოტების განაწილებაზე საუბარი ამ მომენტისთვის არ მიმდინარეობს, თუ ვინმე ვინმეს ხვდება, არაოფიციალურად, არაკოალიციურ რეჟიმში ეს არ ვიცი. ჩვენ, ეროვნული ფორუმის წევრები მსგავს პრინციპულ საკითხებს განვიხილავთ მხოლოდ პოლიტსაბჭოს ფორმაში. კვოტებზე საუბარი დაწყებული არ არის, არც ის ვიცი როდის დაიწყება. ვინაიდან საარჩევნო წელი დაწყებულია, ამ საკითხის განხიკლვა აუცილებლად უნდა გაიმართოს. ნაჩქარევი ინტერესი უფრო მგონია ამ თემის წამოწეევა, ვიდრე რეალობასთან მიახლოებული ინფორმაცია.

- არაოფიციალური შეხვედრები ახსენეთ, გაქვთ კონკრეტული ინფორმაცია, რომ კვოტების საკითხზე უმრავლესობის წევრები ინდივიდუალურად არკვევენ კვოტების საკითს?

- ჩემი პარტიიდან არავინ არავის ხვდება, სხვისი შეხვედრების შესახებ, მე ინფორმირებული არ ვარ.

- კვოტების თანაბრად განაწილების მომხრე ხართ?

- საკითხს ასე არ ვუყურებ, არც იმის მტკიცებას დავიწყებ, ვის რამდენი რეიტინგი აქვს და ვინ რამდენი კვოტი უნდა მოითხოვოს. ჩვენ როცა კოალიციას შეუერთდით ვიცოდით, რომ მიხეილ სააკასვილის რეჟიმს ვებრძოდით, ეს იყო მიზანი. ახლა კი მთავარია რა იდეის გარშემო გაერთიანდება ახალი კოალიცია და არა ის თუ რამდენი წევრი ეყოლება პარლამენტში ამა თუ იმ პარტიას. ბურებრივია ყველას თავისი ინტერესი აქვს, თუმცა ახლა იმის თქმა ვის რამდენი კვოტი უნდა ჰქონდეს არ მიმაჩნია სწორად.

- „კოალიციაში ყოფნა მხოლოდ იმისთვის, რომ 6-7 დეპუტატი გავიყვანოთ, არასწორია“- ეს განცხადება თქვენ თანაგუნდელს ეკუთვნის, ხომ არ ნიშნავს ეს რომ ფორუმი ოცნების წინააღმდეგ გაილაშქრებს?

- არავითარი დაძაბულობა არ არსებობს ჩვენსა და ჩვენს პარტნიორებს შორის. კიდევ ერთხელ ვაცხადებ, სამომავლო გეგმებზე, პოზიციების შეჯერებაზე საუბარი არ გვქონია.

დავით ჯაბაშვილი