ენერგეტიკის მინისტრის კახი კალაძის თქმით, პარლამენტში „გაზპრომთან“ მიმდინარე მოლაპარაკებებზე მაშინ მივა, როდესაც დრო ექნება.

როგორც მინისტრი ამბობს, „ნაციონალურ მოძრაობას“ რეალურად შოუს დადგმა სურს და არ სურს ამ შოუში მონაწილეობის მიღება.

„მზად ვარ პარლამენტში მივიდე და ნებისმიერ დაინტერესებულ ადამიანს, ექსპერტი იქნება თუ არასამთავრობო სექტორიდან, შევხვდე. ასევე, პარლამენტშიც მივალ. ცხადია, მათ უნდათ შოუს დადგმა. მე თანახმა ვარ, მივიღო მონაწილეობა ამ შოუში. თუმცა, როცა დრო მექნება, ამასთან დაკავშირებით წინასწარ ვაცნობებ მათ და არა როცა ბატონი წიკლაური ნაბახუსევზე გაიღვიძებს და მოინდომებს კალაძის მისვლას პარლამენტში“, - განაცხადა კალაძემ.