უმრავლესობის დეპუტატი თამაზ მეჭიაური საქართველოში ლარის კურსის გაუფასურებას ნავთობის ფასის დაცემას უკავშირებს.

როგორც ჟურნალისტებთან საუბრისას მეჭიაურმა განაცხადა, ლარის გაუფასურებაზე გარკვეულ ზემოქმედებას ახდენს ის პანიკა, რომელიც მოსახლეობაშია.

„ყველა მხარე, ვისთანაც კონსულტაციები მაქვს ამ თემაზე, ამას უკავშირებს ნავთობის ფასის დაცემას. არ მინდა ვიფიქრო, რომ ვიღაც ამ მომენტით სარგებლობს და ხელსაც უწყობს ამ ყველაფერს. იმდენად რამდენადაც არამგონია, ეს რაიმე სარგებელის მომტანი იყოს პოლიტიკური ძალისთვის. რომ არა მთავრობის ყოველდღიური კონტრზომები ეროვნულ ბანკთან ერთად შეიძლება უფრო უარესი შედეგი ყოფილიყო“, - ამბობს მეჭიაური.

ეროვნული ბანკის მიერ დღეისთვის დადგენილი კურსით 1 აშშ დოლარი 2.4445 ლარი ღირს ხოლო ევრო 2.6635