,,ქართული ოცნების განცხადება იმ გამონათქვამს მახსენებს - ,,ჩემი შენ გითხარიო...“

,,ქართული ოცნების განცხადება იმ გამონათქვამს მახსენებს - ,,ჩემი შენ გითხარიო...“ - ბაჩუკი ქარდავა საარჩევნო ბოიკოტზე

პოლიტიკა - 17:40, 21 Jan, 2016

1478

„ქართული ოცნების“ მიერ გარდაბნის არჩევნებთან დაკავშირებით გავრცელებულ განცხადებას ეხმაურება ,,ეროვნულ-დემოკრატიული პარტიის“ ლიდერი. ბაჩუკი ქარდავა ,,ნიუპოსტთან“ კომენტარში ამბობს, რომ კარგი იქნება ნაციონალური მოძრობა თუ შეუერთდებოდა საპარლამენტო ოპოზიციის ბოიკოტს, თუმცა ედპ-ს ლიდერ ეჭვი ეპარება ენმ-მა ეს გადაწყვეტილება მიიღოს.

გამიჭირდება ლოგიკის პოვნა ამ განცხადებაში, შეიძლება ბევრ ვერსიაზე ვისაუბროთ, რა მიზანს ემსახურებოდა ,,ქართული ოცნების“ მხრიდან ამ განცხადების გავრცელება, თუმცა იმდენად ფუნქციის არმქონედ მიმაჩნია, რომ დროის დაკარგვად არ ღირს. მითუმეტეს მაშინ, როცა სრულაიდ განსხვავებულ პოიზიცაზე არასაპარლამლენტო ოპოზიცია და ინტერპარტიულ ფორმატში შემავალი საპარალემტო ოპოზიცია. ძალიანაც კარგი, თუ საპარლამენტო ოპოზიცია გამოასწორებს ჩემი სუბიექტური მოსაზრბით თავის შეცდომას, და გაიზიარებს ჩვენს შეხედულებას ბოიკოტთან დაკავშირებით. ბუნებრივია, გარდაბნის მოსახლეობა და მატი ინტეერსები გასათვალისწინებელია, მაგრამ საპარლამენტო არჩევნებამდე 8 თვით ადრე, ეჭვი მეპარება რომ ადგილობრივ არჩევენებს რამე სერიოზული გავლენა ჰქონდეს ამ მოსახლეობის მდგომარეობის გაუარესების ან გაუმჯობესების კუთხით. არ მგონია, რომ ნაციონალურმა მოძრაობამ გაიზიაროს ბოიკოტის ავტორების პოზიცია“ - აცხადებს ქარდავა.

,,ჩემი შენ გითხარიო...“ - ასე პასუხობს ედპ-ს ლიდერი ,,ქართული ოცნების“ განცხადების იმ ნაწილს, სადაც სახელისუფლო პარტია აცხადებს, რომ არასაპარლამენტო ოპოზიციის მიერ გარდაბნის არჩევნების ბოიკოტის გამოცხადება, ნაციონალური მოძრაობის მხრიდან კანდიდატის შესაძლო მოხსნისთვის ნიადაგის შემზადებას ემსახურებოდა.

,,თუ ძალიან მოვიმდომებთ, ამ განცხადების უკან შეიძლება დავინახოთ სრული ჰარმონია ნაციონალურ მოძრაობასა და ქართულ ოცნებას შორის ურთიერთობაში, რომლებიც მოქმედებენ პრინციპით - ხელი ხელს ჰბანს და ორივე ერთად პირს. ქართული ოცნების განცხადება იმ ქართულ გამონათქვამს მახსენებს - ,,ჩემი შენ გითხარიო...“.