"მეჭიაურს დავუსტვინე, მან კი ხელი დამარტყა"- მოქალაქე

პოლიტიკა - 14:42, 21 Jan, 2016

2046

მარჯვენასაჭიანი ავტომანქანების იმპორტის აკრძალვასთან დაკავშირებით პარლამენტთან მიმდინარე საპროტრესტო აქციაზე, საფინანსო საბიუჯეტო კომიტეტის თავმჯდომარე თამაზ მეჭიაური, აქციის მონაწილეებმა შეძახილებით და სტვენით შეაცილეს.

აქციაზე დეპუტატსა და აქციის მონაწილეებს შორის შელაპარაკება მოხდა. აქციის ერთ-ერთი მონაწილე არტურ არუთინოვი ირწმუნება, რომ თამაზ მეჭიაურმა ფიზიკური შეურაცხყოფა მიაყენა და სახეში გაარტყა.

"მეჭიაურს დავუსტვინე, მან კი ხელი დამარტყა. მე გამოხატვის თავისუფლება უნდა მქონდეს" - აღნიშნა ჟურნალისტებთან არტურ არუთინოვმა.

მოქლაქემ ადგილზე გამოძახებულ პატრულს ინცინდენტის გარკვევა და დეპუტატის დასჯა მოსთხოვა.

რაც შეეხება თამაზ მეჭიაურს, საფინანსო საბიუჯეტო კომიტეტის თავმჯდომარე ირწმუნება, რომ ხელი არავისთვის გაურტყამს.

"ძალიან ბევრი ჟურნალისტი იყო ადგილზე, ტელევიზიები იქ იყვნენ, მსგავსი რამ რომ მოხმდარიყო, ყველა გადაიღებდა, ხელი არავისთვის გამირტყამს. არ ეტყობა მერე იმ სახეზე?! არტურის ანაბეჭდები ეტყობა ჩემს ხელს"- აღნიშნა დეპუტატმა.

პარლამენტის შენობასთან ავტოდილერები და არასამთავრობო ორგანიზაციები მარჯვენასაჭიანი ავტომობილების რეგისტრაციის აკრძალვის საკითხის გაუქმებას, განბაჟების სისტემის შეცვლას, ასევე 100-ქულიანი სისტემის ამოქმედების გადავადებას ითხოვდნენ.