საქართველოს საგარეო სქმეთა ყოფილი მინისტრი და პარტია ,,საქართველოს გზის“ საპატიო თავმჯდომარე სალომე ზურაბიშვილი არ ადასტურებს ინფორმაციას, რომ მან „ქართული ოცნებისგან“ მინისტრის პოსტზე შეთავაზება მიიღო.

ამის შესახებ ზურაბიშვილმა ტელეკომპანია „იბერიის“ ეთერში გადაცემა „პრიორიტეტებში“ განაცხადა.

ზურაბიშვილის თქმით, მისი საქართველოში დაბრუნების მიზეზი პოლიტიკაში მოსვლა არ ყოფილა.

„მე არანაირი შემოთავაზება „ქართული ოცნებიდან“ არ მიმიღია. მე დავრბუნდი და ეს დაბრუნება წინასწარ მქონდა ჩაფიქრებული იცით, რომ ორ თვეში ერთხელ მე საქართველოში ჩამოვდივარ. რაც შეეხება პოლიტიკაში დაბრუნებს, გააჩნია რას ვეძახით პოლიტიკას. ჩემთვის პოლიტიკა ქვეყნის სამსახურში ყოფნაა, რაც ჩემთვის მუდამ იყო მთავარი მიზანი ცხოვრებაში. სულ ვთვლიდი, რომ რაღაც ფორმით უნდა ემსახურო ამ ქვეყანას, რადგან ეს მას სჭირდება. ეს ქვეყანა რომ გალაღებული იყოს, მხოლოდ პენსიას დაველოდებოდი, თუმცა ამ ქვეყანას სჭირდება ყველა ის ძალა, ვისაც შეუძლია წვლილი შეიტანოს მის განვითარებაში“, - განაცხადა ზურაბიშვილმა.

რამდენიმე კვირის წინ გავრცელდა ინფორმაცია, რომ სალომე ზურაბიშვილი საგარეო საქმეთა მინისტრად ინიშნება.