„ოცნებაში“ შევალ, რასაც დამავალებთ გავაკეთებ" - რას სთავაზობდა ნიკოლაიშვილი ყოფილ მთავრობას

პოლიტიკა - 18:11, 19 Jan, 2016

3350

გაზეთი „ქრონიკა+“ ძალოვანი უწყების ყოფილ მაღალჩინოსანზე დაყრდნობით ადვოკატ გელა ნიკოლაიშვილთან დაკავშირებულ ისტორიაზე წერს. გამოცემის ინფორმაციით ნიკოლაიშვილი 2011 წელს იმჟამინდელ მთავრობას შეთავაზებით მივიდა. ის მთავრობას ფულს სთხოვდა და სანაცვლოდ ოცნებაში შესვლას და მათ სასარგებლოდ ჯაშუშობას სთავაზობდა:

„2011 წელს კრიმინალური პოლიციის თანამშრომელთან, ოთარ ბუაძესთან, ცნობილი ადვოკატი, გელა ნიკოლაიშვილი მისულა, რომელსაც მისი ნათესავისთვის უთხოვია,- დამაფინანსეთ, ათასკაციან პარტიას შევქმნი, კოლიცია „ქართულ ოცნებაში“ შევალ, რასაც დამავალებთ გავაკეთებ, ინფორმაციებსაც მოგაწვდით და როცა საჭირო იქნება, გამოვალ კიდეცო. ოთარ ბუაძეს გელა ნიკოლაიშვილის ვიზიტის შესახებ კრიმინალური პოლიციის მაშინდელი შეფი ერეკლე კოდუა საქმის კურსში ჩაუყენებია, მაგრამ იმდენად, რამდენადაც ერეკლე კოდუას და ვანო მერაბიშვილის ურთიერთობები უკიდურესად დაძაბული ყოფილა, პოლიტიკაში ჩარევაზე და პასუხისმგებლობის არებაზე კოდუას უარი უთქვამს, მაგრამ ბუაძე-ნიკოლაიშვილის შეხვედრის ჩანაწერი საგულდაგულოდ გადაუნახავთ“- წერს გამოცემა.