საკონსტიტუციო სასამართლოს თავმჯდომარე გიორგი პაპუაშვილი იუსტიციის მინისტრის განცხადებას გამოეხმაურა, რომლის თანახმად თეა წულუკიანი საკონსტიტუციო სასამართლოს რეფორმირებას აპირებს.

პაპუაშვილის რეფორმის გატარების მომხრეა, თუმცა მისი თქმით, რეფორმა სისტემის გაუმჯობესებას უნდა ისახავდეს მიზნად.

მისი განცხადებით, წულუკიანის ეს ინიციატივა საეჭვოდ დაემთხვა საკონსტიტუციო სასამართლოს მიერ მიღებულ გადაწყვეტილებებს რამდენიმე საქმესთან დაკავშირებით.

„განცხადებები ბევრი გვინახავს, მაგრამ კონკრეტულად რას გულისხმობენ ეს ჯერ არ ვიცით. ვიღაცეები უკმაყოფილოები არიან საკონსტიტუციო სასამართლოს გადაწყვეტილებით. „რეფორმის რეფორმა“ იქნება ეს, თუ რა იქნება ჯერ არ ვიცით. ეს ყველაფერი საეჭვოდ დაემთხვა იმ პროცესებს, როდესაც ხელისუფლების წარმომადგენლების მხრიდან კრიტიკა დაიწყო საკონსტიტუციო სასამართლოზე, განსაკუთრებით „რუსთავი 2“-ის და გიგი უგულავას საქმის შემდეგ. თუ რეფორმირების პროცესში იგულისხმება სისტემის გაუმჯობესებას, აღარ მოხდება მოსამართლეებზე ზეწოლა, თავდასხმები და ასე შემდეგ, ამ პროცესს მივესალმები“, - აღნიშნა პაპუაშვილმა.