გასულ კვირას „ქართული ოცნების“ წევრებმა ძველით ახალი წელი საგურამოში აღნიშნეს. ფრაქციის წევრებთან ერთად „მარანში“ იმყოფებოდნენ ბიძინა ივანიშვილი, ირაკლი ღარიბაშვილი და მოქმედი პრემიერი გიორგი კვირიკაშვილი. „ოცნების“ საახალწლო შეკრების დეტალებზე „კვირის პალიტრას“ დეპუტატი სოსო ჯაჭვლიანი ესაუბრა.

„საახალწლო სუფრისთვის­ 100-100 ლარი შევკრიბეთ. რა გაუჭირდა "ქართულ ოცნებას" ისეთი, რომ თანხა ჩვენ დაგვადებინა? ეს, ხუმრობით, თუმცა არა მხოლოდ ჩემი, ჩემი მეუღლის თანხაც მე დავდე. არადა, საგურ­ამოში მარტო მივედი. როდესაც კოლეგებმა მკითხეს, მეუღლე სად არისო, ვუპასუხე, ცოლმა მითხრა, სირცხვილით როგორ წამოვალ, მსახიობები და რეჟისორები არ ნდომებიათო და კონცერტზე წავი­და-მეთქი. მართლა ასე მოხდა“, - აცხადებს ჯაჭვლიანი.

როგორც დეპუტატი ამბობს, შეკრებაზე მან და გუგული მაღრაძემ იმღერეს.

„გუგული მაღრაძე მართლა ადგა და ბიძინა ივანიშვილის მაგიდასთან გადავიდა. ისე, მეც კი გადავინაცვლე მეორე მაგიდასთან, მასაც შეუძლია ჩემზე იგივე განაცხადოს. სხვათა შორის, მე "რაშა ორერას" ვმღეროდი, გუგული - "მხოლოდ შენ ერთს", - ამბობს ჯაჭვლიანი.

წყარო: "კვირის პალიტრა"