საქართველოს პრემიერ-მინისტრი გიორგი კვირიკაშვილი პრეზიდენტის პარლამენტში გამოსვლას დაესწრება.

როგორც პრემიერმა ჟურნალისტებთან საუბრისას განაცხადა, ეს თემა მითქმა-მოთქმის საგანი აღარ უნდა გახდეს.

„მიუხედავად ოპონენტების განსხვავებული მოსაზრებებისა, ვერავინ ვერ გაექცევა იმის აღიარებას, რომ საქართველოში სახეზეა პოზიტიური პროცესი ინსტიტუციონალური დემოკრატიის მშენებლობის. რაც შეეხება პრეზიდენტის სიტყვით გამოსვლას, მგონია, რომ ეს საკითხები აღარ უნდა იყოს ასეთი მითქმა-მოთქმის საგანი. საქართველოში არსებობს ინსტიტუციები და ინსტიტუციებმა უნდა იმოქმედონ ისე, როგორც მათ შეეფერება. აქ პიროვნული ურთიერთობები უნდა გადავდოთ გვერდზე იმისათვის, რომ დავამშვიდოთ სიტუაცია, მაქსიმალურად დავწიოთ პოლიტიკური ტემპერატურა, და კონცენტრირება მოვახდინოთ გაცილებით მნიშვნელოვან საკითხებზე,“ - აცხადებს გიორგი კვირიკაშვილი.

პრეზიდენტი ყოველწლიური მოხსენებით პარლამენტში სავარაუდოდ თებერვალში გამოვა. ცნობისთვის, გასულ წელს გიორგი მარგველაშვილის საკნაონმდებლო ორგანოში გამოსვლას პრემიერი ირაკლი ღარიბაშვილი არ დაესწრო.