"ეგ ლოტოს კოჭი მანდ აღარ დავინახოო" - ბოდოკიას თქმით, ივანიშვილის ნარმანიას და მარგიშვილის მერიიდან გაშვებას ითხოვდა

პოლიტიკა - 15:01, 15 Jan, 2016

8025

მერიის ზედამხედველობის სამსახურის აპარატის ყოფილი უფროსი ჯოკია ბოდოკია სკანდალურ განცხადებას აკეთებს და ამბობს, რომ ბიძინა ივანიშვილი დავით ნარმანიას და ალექსანდრე მარგიშვილის მერიიდან გაშვებას ითხოვდა.

ამის შესახებ ბოდოკიამ სასამართლო პროცესზე განაცხადა და აღნიშნა, რომ ივანიშვილის ეს მოთხოვნა პანორამა თბილისის უკავშირდებოდა.

როგორც ბოდოკია ამბობს, მერია პროექტის განხორციელების წინააღმდეგი იყო.

„რა მოხდა რამოდენიმე თვეში, რატომ შეიცვალა დამოკიდებულება ბიძინა ივანიშვილმა დავით ნარმანიას წინააღმდეგ. მოხდა ის, რომ „პანორამა თბილისის“ განხორციელებას მერიაში პრობლემა შეექმნა. ამის შემდეგ ივანიშვილი ნარმანიასგან პირდაპირ ითხოვს მარგიშვილის გათავისუფლებას. ეგ ლოტოს კოჭი მანდ აღარ დავინახოო. აქაც ეწინააღმდეგება ნარმანია. ამის შემდეგ იავნიშვილს თამაშში შეჰყავს მისი ყველაზე კარგი დასაყრდენი ძალოვანი უწყებები. კონკრეტულად, შს სამინისტრო მინისტრ გომელაურის ხელმძღვანელობით და მთავარი პროკურორის პირველი მოადგილე ბატონი შოთაძე. მათ პიდაპირ ავალებს, რომ არანაირი ძალისხმევა არ დაიშურონ მარგიშვილის სისხლის სამართლის პასუხისმგებლობაში მისაცემად და საერთოდ, თავგასული და კონტროლიდან გასული მერის კონტროლის ობიექტზე დაბრუნების უზრუნველსაყოფად შესაბამისი ღონისძიების დაბრუნებას უბრძანებს“ - განაცხადა ბოდოკიამ.