იუსტიციის მინისტრმა პრეზიდენტის პარლამენტში გამოსვლაზე მინისტრების დასწრებასთან დაკავშირებით განცხადება გააკეთა.

"პარლამენტში პრეზიდენტის ყოველწლიურ გამოსვლაზე დასწრების გადაწყვეტილებას მთავრობა კოლეგიურად იღებს,“- განაცხადა თეა წულუკიანმა.

საქართველოს პრეზიდენტი გიორგი მარგველაშვილი წლიური ანგარიშით პარლამენტში საგაზაფხულო სესიაზე წარდგება. მარგველაშვილის საკანონმდებლო ორგანოში გამოსვლის კონკრეტული თარიღი ბიუროს სხდომაზე დაზუსტდება.

ფორმატზე კონსულტაციები პრეზიდენტის ადმინისტრაციასთან გაიმართება. სწორედ ამის შემდეგ გადაწყდება შეეძლებათ თუ არა დეპუტატებს კითხვების დაუსვან პრეზიდენტს.