უმრავლესობის დეპუტატს ზურაბ ტყელამაძეს მართვის მოწმობის 100 ქულიან სისტემასთან დაკავშირებით შენიშვნები აქვს.

მისთვის მიუღებელია ის ფაქტი, რომ მოქალაქე კანონდარღვევის დროს ქულების ჩამოკლებასთან ერთად, ადმინისტრაციული წესითაც დაჯარიმდება.

„დაჯარიმების გამოყენება და ამავე დროს ქულების ჩამოჭრა და შემდეგ გამოცდის ჩაბარება, ეს ნიშნავს, რომ ერთი და იგივე დანაშაულზე მოქალაქის დასჯა ორჯერ ხდება. მე ესე მიმაჩნია“, - განაცხადა ზურაბ ტყემალაძემ.

პარლამენტში დღეს მართვის მოწმობის 100 ქულიან სისტემასთან და მარჯვენასაჭიანი ავტომობილების რეგისტრაციის აკრძალვასთან დაკავშირებით შსს-ს ინიციატივა განიხილეს. ცნობილია გახდა, რომ მარჯვენასაჭიან ავტომობილებთან დაკავშირებით კანონი მარტიდან სავარაუდოდ აღარ ამოქმედდება.