შეწყალების კომისიის ყოფილი თავმჯდომარე არ აპირებს დაასახელოს ის პირი, ვინც მას კორუფციულ გარიგებებთან დაკავშირებით ინფორმაცია მიაწოდა.

ამის შესახებ ელისაშვილმა ჟურნალისტებთან საუბრისას განაცხადა, სადაც მთავარი პროკურორის გუშინდელ განცხადებას გამოეხმაურა.

მისი თქმით, პროკურატურა საქმის ჩაფარცხვას ცდილობს და გამოძიებას არაეფექტურად აწარმოებს.

„ყველაფერი მე თუ გავარკვიე და გამოვიძიე, შოთაძე ხელფასს რაში იღებს. რისთვის არსებობს ამხელა დაწესებულება. ვუთხარი, ვინ იხდიდა ფულს, ასევე ვუთხარი ვინ აიღო ფული, ვუთხარი, რომელ კონკრეტულ საქმეზეა გადახდილი ეს ფული. მათ შორის ჯაჭვის დადგენას რა უნდა. მე თუ ფაქტზე დავიჭირე ეკა ბესელია და მანანა კობახიძე, ხელები გადავუგრიხე და ციხეში წავიყვანე, შოთაძე საერთოდ რას აკეთებს“, - ამბობს ელისაშვილი.