პარლამენტის ვიცე-სპიკერის მანანა კობახიძის განცხადებით, ალეკო ელისაშვილის განცხადებები მის წინასაარჩევნო გააქტიურებას უკავშირდება.

ამის შესახებ კობახიძემ ჟურნალისტებთან საუბრისას განაცხადა.

რაც შეეხება ელისაშვილის მოთხოვნას, რომ ეკა ბესელიამ საპროკურორო საბჭო დატოვოს, კობახიძე ამის აუცილებლობას ვერ ხედავს.

„მე ვერ ვხედავ რაიმე საფრთხეს, რომ გამოძიების მიმდინარეობაზე ეკა ბესელიამ რაიმე გავლენა მოახდინოს. თუმცა რა თქმა უნდა ეს საკითხი შესაძლებელია იყოს განხილული. არანაირი პრობლემა თანამდებობებზე ყოფნის არ არსებობს. აქ არის ერთი რამ, რომ ელისაშვილს აქვს კონკრეტული პოლიტიკური მიზნები. წინასაარჩევნო პერიოდია და ეს ყველაფრი უკავშირდება ამ მიზნების განხორციელებას ასეთი მეთოდებით“, - განაცხადა კობახიძემ.