SOCAR-მა შესაძლოა საქართველოს გაზის მიწოდება გაუზარდოს

პოლიტიკა - 10:48, 14 Jan, 2016

2056

აზერბაიჯანის ნავთობის სახელმწიფო კომპანია უშვებს შესაძლებლობას, რომ საქართველოს ბუნებრივი აირის მოცულობა დღე-ღამეში 7 მლნ კუბამეტრამდე გაუზარდოს. ამის შესახებ SOCAR Energy Georgia-ს დირექტორის მაჰირ მამედოვზე დაყრდნობით აზერბაიჯანული მედია წერს.

აღსანიშნავია, რომ დღეისთვის სოკარის მილსადენით საქართველოს დღე-ღამეში 6,2-6,3 მლნ კუბამეტრი გაზი მიეწოდება. ამასთანავე ბაქო-თბილისი -ერზურუმის მილსადენით ყოველდღიურად ქვეყანა 2,8 მლნ კუბამეტრს იღებს.წევრებს შორის შეხვედრა გაიმართა, რომელზეც გაზსადენების ამჟამინდელი ტექნიკური მდგომარეობა და საქართველოსთვის ზამთრის სეზონზე გაზის მიწოდების მოცულობის გაზრდის შესაძლებლობები განიხილეს.

აზერბაიჯანის მხრიდან შეხვედრას ესწრებოდა SOCAR -ის პრეზიდენტი როვნაგ აბდულაევი, ვიცე პრეზიდენტი ელშად ნასიროვი, ინვესტიციების მართვის ხელმძღვანელი ვაგიფ ალიევი, მარკეტინგისა და ეკონომიკური ოპერაციების სამმართველოს ხელმძღვანელი ადნან აჰმადზადე და SOCAR Energy Georgia-ს გენერალური დირექტორი მაჰირ მამედოვი, საქართველოს კი შეხვედრაზე ქვეყნის პრემიერ-მინისტრი გიორგი კვირიკაშვილი და ენერგეტიკის მინისტრი, ვიცე-პრემიერი კახი კალაძე წარმოადგენდნენ.