სპეკულანტები და საქმის ჩამფარცხველები შოთაძემ თავის პროკურატურაში მოიკითხოს

სპეკულანტები და საქმის ჩამფარცხველები შოთაძემ თავის პროკურატურაში მოიკითხოს - ელისაშვილის პასუხი

პოლიტიკა - 16:10, 13 Jan, 2016

1467

შეწყალების კომისიის ყოფილი ხელმძღვანელი პროკურატურას უნდობლობას უცხადებ და ამბობს, რომ "გამოძიება მიდის იქით, რომ ბესელია და კობახიძე როგორმე გამოაძვრინონ".

მთავარი პროკურორის განცხადებას ალეკო ელისაშვილმა ცოტა ხნის წინ უპასუხა და აღნიშნა, რომ მისი დაკითხვის დროს ვიღაცეები ფარულად უღებდნენ. საკრებულოს წევრი არ გამორიცხავს, რომ ეს დეპუტატი ეკა ბესელია ყოფილიყო.

„სპეკულანტები და საქმის ჩამფარცხველები შოთაძემ თავის პროკურატურაში მოიკითხოს, კეზერაშვილის ყოფილმა მაღალჩინოსანმა შოთაძემ. გამოძიება მიდის იქით, რომ ბესელია და კობახიძე როგორმე გამოაძვრინონ, როდესაც პარლამენტში საგამოძიებო კომისია შეიქმნება, სადაც ცხრაკლიტულში ჩაკეტილ გამომძიებელთან კი არ ვიჯდები საათობით, არამედ იქ საზოგადოებაც იქნება და მედიაც და იმ ადამიანს ავასახელებ და მის დაკითხვასაც მოვითხოვ. ჩემი დაკითხვის დროს ფარული კამერით აშკარად ვიღაცები მიყურებდნენ, შეიძლება ბესელიაც იყო სადმე სავარძელში მოკალათებული და გამომძიებელს „ეჩათავებოდნენ“, აბა ახლა ეს კითხე, ახლა ეს, ასეთ გამოძიებას ამ ადამიანს მე ხელში არ ჩავუგდებ, “- განაცხადა ალეკო ელისაშვილმა.

ირაკლი შოთაძემ იმედი გამოთქვა, რომ ალეკო ელისაშვილი ბოლობსდაბოლოს დაასახელებს პიროვნებას, რომელმაც მას მიაწოდა ინფორმაცია ამნისტიის საქმეში კორუფციული გარიგებების შესახებ.