"სოკარ ჯორჯია": არ ყოფილა მიზეზი იმ პროგნოზისთვის, რომ ჩვენ საკმარისი გაზის მოწოდებას ვერ შევძლებთ საქართველოსთვის

პოლიტიკა - 15:50, 13 Jan, 2016

1833

"სოკარ ჯორჯიას" ხელმძღვანელი საქართველოსთვის გაზის მოწოდებაზე ტვ ,,მაესტროსთან“ საუბრობს. მამედოვი აცხადებს, რომ საქართველოსთვის მოთხოვნა ბუნებრივ აირზე ნელი ტემპით იზრდება და ის გეგმის მიხედვით მიეწოდება. ,,სოკარ ჯორჯიას“ წარმომადგენელი დასძენს, რომ კომპანიას აქვს საკმარისი რესურსი და მიწოდებაც შესაბამისად იზრდება.

"საქართველოს მოთხოვნა ბუნებრივ აირზე ნელი ტემპით იზრდება და პროგნოზირებადია. ამ პროგნოზებს ჩვენს გეგმაში ყოველთვის ვითვალისწინებთ, ამიტომ ამაში არაფერი მოულოდნელი არ არის. ზრდა წელიწადში 8-9%-ს გულისხმობს. თუ რაიმე რადიკალური ცვლილება იქნება ამის შესახებ ინფორმაციას ყოველთვის წინასწარ ვიღებთ. ჯერ არ ყოფილა არავითარი მიზეზი ისეთი პროგნოზისთვის, რომ ჩვენ საქართველოსთვის გაზის საკმარისი ოდენობის მიწოდებას ვერ შევძლებთ. ასე რომ საქართველოს ბუნებრივი აირი გეგმის მიხედვით მიეწოდება. გვაქვს ორი გაზსადენი, რომელიც სრული დატვირთვით მუშაობს. ზამთარში ბუნებრივ აირზე მოთხოვნა გაცილებით მეტია, თუმცა ჩვენ გვაქვს საკმარისი რესურსი და შესაბამისად მიწოდებასაც ვზრდით", - განაცხადა მაჰირ მამედოვმა.