,,სოკარის" წარმომადგენლისა და კალაძის შეხვედრის დეტალები - მინისტრი ,,სოკარის" ინტერესებზე საუბრობს

პოლიტიკა - 14:24, 13 Jan, 2016

2224

საქართველოს პრემიერ-მინისტრის, ენერგეტიკის მინისტრის და „სოკარის“ წარმომადგენლობის შეხვედრა ცოტა ხნის წინ დასრულდა.

როგორც ჟურნალისტებთან საუბრისას ვიცე-პრემიერმა კახი კალაძემ განაცხადა, შეხვედრაზე საუბარი შეეხებოდა იმ ტექნკურ პრობლემებს, რომელიც საქართველოს აქვს ზამთარ-ზაფხულის პერიოდში გაზის მოწოდებასთან დაკავშირებით.

„მთლიანი მოწოდების პრობლემა არ არსებობს. თუმცა გვაქვს პიკური მოხმარებით თვეები განსაკუთრებით ზამთარში, როდესაც ხდებოდა რუსული გაზით დაბალანსება პრობლემის მოსაგვარებლად. მინდა კიდევ ერთხელ განვაცხადო, რომ აზერბაიჯანი ჩვენი სტრატეგიული პარტნიორია, ჩვენ მომავალშიც ვაგრძელებთ ურთიერთობას. საუბარი შეეხო გაზსაცავის მშენებლობის საკითხს, რომლის დაწყება 2016 წელს იგეგმება. "სოკარს" ამ პროცესში მონაწილეობის ინტერესი აქვს. ვფიქრობ, ჩვენი ქვეყნისთვისაც მნიშვნელოვანი იქნება ამ პროექტის განხორციელება, იმ პრობლემის მოსაგვარებლად, რომელიც გვაქვს ხოლმე ზამთარ-ზაფხულის პერიოდში. იცით, რომ „სოკარის“ ორივე მილსადენი, რომლითაც ბუნებრივ აირს ვიღებთ, მაქსიმალურ სიმძლავრეზე მუშაობს. ასევე მნიშვნელოვანია, რომ 2019 წლისთვის იგეგმება „შაჰდენიზის“ მეორე ფაზის პროექტის დასრულება, რაც მოგვცემ შესაძლებლობას, რომ მივიღოთ დამატებითი ბუნებრივი აირი. რაც შეეხება ტარიფებს, ამაზე საუბარი არ ყოფილა“, - ამბობს კალაძე.