პრემიერ-მინისტრი გიორგი კვირიკაშვილი და ვიცე-პრემიერი კახი კალაძე „სოკარის“ წარმომადგენლობას ხვდებიან. შეხვედრა მთავრობის ადმინისტრაციაში დახურულ კარს მიღმა მიმდინარეობს.

შეხვედრის დაწყებამდე მხარეებს კომენტარი არ გაუკეთებიათ. როგორც ცნობილია, გიორგი კვირიკაშვილი და როვნაგ აბდულაევი საქართველოს გაზმომარაგების საკითხზე იმსჯელებენ და არ არის გამორიცხული დღევანდელ შეხვედრაზე კონკრეტული გადაწყვეტილება იქნას მიღებული. მთავრობის კანცელარიაში იმყოფება ასევე „სოკარ საქართველოს“ მმართველი მაჰირ მამედოვი.

არსებული ინფორმაციით, რამდენიმე წუთში შეხვედრის მონაწილეები მედიასთან განცხადებას გააკეთებდნენ.

შეგახსენებთ, „სოკარის“ წარმომადგენლობა საქართველოში გუშინ ჩამოვიდა.