პარლამენტიც ვიცე-სპიკერის მანანა კობახიძის განცხადებით, „რუსთავი 2“-ის საკითხი ამოწურულია, რადგან ტელეკომპანია მაუწყებლობას ჩვეულ რეჟიმში განაგრძობს.

ამის განცხადებით დეპუტატი ევროსაბჭოს ადამიანის უფლებათა კომისარის ნილს მუჟნიეკსის ანგარიშს გამოეხმაურა.

თუმცა კობახიძის თქმით, ბუნებრივია ის ფაქტი, რომ ტელეკომპანიის გარშემო მიმდინარე მოვლენებზე საერთაშორისო პარტნიორებს კითხვები ჰქონდათ.

„რუსთავი 2“-ის საქმე, რა თქმა უნდა, იყო ყურადღების საგანი და ეს არის ბუნებრივი, მაგრამ ძალიან მნიშვნელოვანია, თუ როგორ ხდება მოვლენების განვითარება. თუ თავიდან რაიმე კითხვის ნიშანი ჰქონდათ ჩვენს პარტნიორებს და ეს ბუნებრივი იყო, ვფიქრობ, ეს საკითხი დღეს ამოწურულია. გამომდნარე იქიდან, რომ „რუსთავი 2“-ის მაუწყებლობას, მისი მართვის პროცესს საფრთხე არ ემუქრება. ეს ტელევიზია ჩვეულრბივ რეჟიმში მაუწყებლობს“, - განაცხადა კობახიძემ.