უმრავლესობის დეპუტატის მანანა კობახიძის განცხადებით, „გაზპრომთან" დაკავშირებით აჟიოტაჟი "ნაციონალურმა მოძრაობამ" ატეხა. მისი თქმით, ამ ყველაფერს ენმ საარჩევნო წელში სათავისოდ იყენებს.

დეპუტატი შეახსენებს ოპოზიციას, რომ „გაზპრომთან“ მოლაპარაკება დღეს არ დაწყებულა და მასთან წინა ხელისუფლებაც საუბრობდა.

"თუ კი აზერბაიჯანი უფრო მეტ გაზს და უფრო იაფად მოგვაწვდის ეს იქნება ჩვენი ქვეყნისთვის სასარგებლო. ესეთი მოლაპარაკებები იქნება და ყოველთვის იყო. „გაზპრომთან“ ნაციონალური მოძრაობა საუბრობდა და არა ნაკლებად. „ნაციონალურმა მოძრაობა“, რომელმაც არაერთი კომპანია გადაუფორმა რუსულ კომპანიებს როგორც ომამდე ასე ომის შემდეგ, არამგონია რამე ეთქმოდეს მათ. ეს პოლიტიკური საკითხია, რომელსაც საარჩევნო წელში „ნაციონალური მოძრაობა“ იყენებს," - აცხადება კობახიძე.