საქართველოს აზერბაიჯანიდან გაზმომარაგების სერიოზული პრობლემები არასდროს შექმნია- SOCAR

პოლიტიკა - 11:35, 13 Jan, 2016

2045

SOCAR Energy Georgia- ს ხელმძღვანელის მაჰირ მამედოვის განცხადებით საქართველოს აზერბაიჯანიდან გაზმომარაგების სერიოზული პრობლემები არასდროს შექმნია. მისი თქმით პერიოდულად სხვადასხვა პროცესები ხდება თუმცა ეს გაზის მიწოდების საერთო მოცულობაზე გავლენას არ ახდენს.

„საქმე იმაშია, რომ მთლიანი გაზის მარაგის დაანგარიშებისას, საქართველო ანგარიშში თვლის იმ გაზსაც, რომელსაც ის რუსეთისგან ტრანზიტისთვის იღებს. ეს შეადგენს მთლიანი მოცულობის 10-15 პროცენტს და იმ შემთხვევაში , თუ რაიმე ტექნიკური შეფერხეხება ან გარკვეული სამუშაოები მიმდინარეობს რუსეთის ან აზერბაიჯანის მხარეს მაშინ კორექცია დროილად ხდება. მხარეები ამ მეთოდით მუშაობენ უკვე 7 წელია და მიწოდების პრობლემა ჯერ არ წარმოქმნილა.“- განაცხადა მამედოვმა.

მამედოვის განცხადებით საქართველო გაზს სამი მილსადენით იღებს:

„პირველი- ეს არის SOCAR-ის გაზსადენი გაჯიგაბულ-გარდაბანი, რომლის გაზის მიწოდების სიმძლავრეც დღე-ღამეში 6,5 მილიონ კუბამეტრს შეადგენს. მეორე- ეს არის სამხრეთკავკასიის გაზსადენი ბაქო-თბილისი-ერზრუმი, რომლითაც საქართველო გაზს „შაჰდენიზიდან“ იღებს 3 მილიონი კუბამეტრი დღე-ღამეში და არის მესამე მილსადენი რუსეთიდან. ყველა მილსადენში გაზის მიწოდება საქართველოს ბალანსის და საჭიროებების გათვალისწინებით ჩვეულებრივ რეჟიმში მიმდინარეობს.“- აღნიშნა მამედოვმა.

მან ასევე დასძინა, რომ აზერბაიჯანი მუდმივ კონტაქტშია ქარტულ მხარესთან, მართავს დაგეგმილ შეხვედრებს და თანამშრომლობის მიმართულებებს განიხილავს.

2015 წლის იანვარ-ნოემბერში აზერბაიჯანიდან საქართველოს მოეწოდა 1,5 მილიარდი კუბამეტრი გაზი. აზერბაიჯანი საქართველოსთვის გაზის მთავარი მომწოდებელია და მისი წილი მთლიან მოცულობაში 77,9 %-ია.