თბილისის საკრებულოს, ფრაქცია „ნაციონალური მოძრაობის“ წევრის ირაკლი აბესაძის ინფორმაციით, დავით ნარმანიას გიორგი სოლომონიას თანამდებობიდან გათავისუფლება პრემიერ-მინისტრმა დაავალა.

ამის შესახებ აბესაძემ ჟურნალისტებთან საუბრისას განაცხადა.

„როგორც ჩანს, წინა კვირაში პრემიერ-მინისტრთან შეხვედრისას ნარმანიას საკუთარი კადრის მერიიდან გაშვება კვლავ გარედან დაავალეს და რომ არა ,,ქართული ოცნების" დაბალი პოლიტიკური რეიტინგით გამოწვეული რიგგარეშე არჩევნების შიში, დღეს თანამდებობიდან ნარმანია გადადგებოდა და არა სოლომონია. საბოლოოდ ეს მაინც ასე მოხდება. მანამდე ასეთი ფრაგმენტული ცვლილებებით ქალაქში არაფერი შეიცვლება სასიკეთოდ“, - განაცხადა აბესაძემ.