"გაზპრომი" "მაკდონალდსი" არ არის, ის კრემლის პოლიტიკური იარაღია

"გაზპრომი" "მაკდონალდსი" არ არის, ის კრემლის პოლიტიკური იარაღია - გიორგი რუხაძე

პოლიტიკა - 13:17, 12 Jan, 2016

2016

„საქართველოს განვითარების ფონდის“ საგარეო ჯგუფის ხელმძღვანელის გიორგი რუხაძის თქმით, ენერგეტიკის სამინისტროსა და „გაზპრომის“ წარმომადგენლობას შორის არსებულ მოლაპარაკებებთან დაკავშირებით სერიოზული კითხვები არსებობს.

ამის შესახებ რუხაძემ ჟურნალისტებთან საუბრისას განაცხადა.

„საზოგადოებას ამ პროცესის მიმართ სერიოზული კითხვები აქვს. ყველამ ვიცით, რომ „გაზპრომი“ მაკდონალდსი არ არის და ეს არის კრემლის პოლიტიკური იარაღი. ჩვენ, „საქართველოს განვითარების ფონდს“ გვაინტერესებს, თუ რამდენად ჯდება ეს პროცესი საქართველოს ენერგოუსაფრთხოების ფუნდამენტური ინტერესების მხრივ და ეკონომიკურად რამდენად მომგებიანი იქნება ეს პროცესი საქართველოს მოქალაქეებისთვის", - ამბობს რუხაძე.

რუხაძემ ეს განცხადება ენერგეტიკის სამინისტროში გამართული შეხვედრის დაწყებამდე გააკეთა.

ცნობისთვის, ენერგეტიკის მინისტრმა კახა კალაძემ და საქართველოს ნავთობისა და გაზის კორპორაციის გენერალურმა დირექტორმა დავით თვალაბეიშვილმა სამუშაო ხასიათის შეხვედრა გამართეს ექსპერტებთან.

შეხვედრაზე მხარეებმა ისაუბრეს ქვეყნის გაზმომარაგებისა და ,,გაზპრომთან’’ მოლაპარაკებების თაობაზე.