”გაუცხოებამ არანაირი პოზიტივი არ მოიტანა”- პრეზიდენტს ახალ პრემიერთან თანამშრომლობის იმედი აქვს

პოლიტიკა - 23:14, 11 Jan, 2016

2945

საქართველოს პრეზიდენტის იმედოვნებს, რომ საქართველოს ახალ პრემიერ-მინისტრთან თანამშრომლობა უფრო ეფექტური იქნება, რადგან სახელმწიფოს ეფექტური ფუნქციონირებისთვის აუცილებელია მნიშვნელოვანი ინსტიტუციების ურთიერთობა და ორი წლის მანძილზე არსებული გაუცხოებით ვერც ერთმა მხარემ ვერაფერი მოიგო. მისივე თქმით, პროცესი ლოგიკურად, ასე აღარ გაგრძელდება. ამის შესახებ გიორგი მარგველაშვილმა ტელეკომპანია გურჯაანის ეთერში ისაუბრა.

„მე ბატონ ირაკლის არ განვიხილავ და ნამდვილად არ ვიცი რა იყო მიზეზი. მინდა გითხრათ, რომ სახელმწიფოს ეფექტურ ფუნქციონირებას ნამდვილად სჭირდება უნიშვნელოვანი საკონსტიტუციო ინსტიტუტების - პრეზიდენტის, პარლამენტის და აღმასრულებელი ხელისუფლების თანამშრომლობა. ეს უბრალოდ ეფექტურობას შეუწყობს ხელს და პოლიტიკურადაც მომგებიანია. არ მგონია, რომ ორწლიან სიცივეში, თუ გაუცხოებაში ყოფნით რომელიმე მხარემ რამენაირად მოიგო. თუ შევხედავთ, რომ ამ პროცესმა არანაირი პოზიტივი არ მოუტანა არც პროცესს და არც პოლიტიკურ აქტორებს, ლოგიკურად მგონია, რომ ეს ასე აღარ იქნება“, - აღნიშნა გიორგი მარგველაშვილმა.” -განაცხადა გიორგი მარგველაშვილმა.