”შეიძლება უფრო მეტი უფლებები მინდოდეს, მიუხედავად ამისა საჭიროა მოქმედი კონსტიტუციის პატივისცემა”

პოლიტიკა - 23:04, 11 Jan, 2016

1517

საქართველოს პრეზიდენტის განცხადებით მნიშვნელოვანია, რომ ყველამ თამაშის წესების და მოქმედი კონსტიტუციის პატივისცემა ისწავლოს. ამის შესახებ გიორგი მარგველაშვილმა ტელეკომპანია გურჯაანის ეთერში ისაუბრა.

” უკეთესის მიღწევა ყოველთვის შესაძლებელია და ვერასდროს იტყვი, რომ იდეალური დეოკუმენტი შექმენი, იქნება ეს კონსტიტუცია თუ კანონი. რა თქმა უნდა რაც თქვენ ბრძანეთთ, რომ წინა ხელისუფლების მიერ რაღაც ხაფანგებივით იყო ჩადებული ამ კონსტიტუციაში, რომელიც ამოქმედდა მანამდე კი არა, სანამ სააკაშვილი კოჰაბიტაციის რეჟიმში იყო, არამედ ინაუგურაციის დროს. რა თქმა უნდა უკეთესი შესაძლებელია, მაგრამ მნიშვნელოვანია, რომ ჩვენ ყველამ, იქნება ეს პრეზიდენტი, დეპუტატი, საკრებულოს წევრი თუ რიგითი ამომრჩეველი, ვისწავლოთ თამაშის წესების პატივისცემა. მე შემიძლია დაგეთანხმოთ და გითხრათ, რომ როგორც პირდაპირი წესით არჩეულ პირს, უფრო მეტი უფლებები შეიძლება მინდოდეს, მაგრამ ეს არ იქნება სწორი. ამერიკის კონსტიტუცია წინის წინის წინა საუკუნეში დაიწერა. როგორ წარმოგიდგენიათ, ბატის ფრთით რომ იწერებოდა ტექსტი ის იყოს ადეკვატური დღეს კოსმიური ეპოქისთვის. იმიტომ, რომ ისინი ერთგული არიან ამ დოკუმენტის, ისინი კონსტიტუციას ყოველდღე არ ცვლიან, სულ რამდენიმე შესწორება არის შესული. ჩვენ კიდევ მუდმივად ვამბობთ, რომ კონსტიტუცია უკეთესი შეიძლება იყოს. მირჩევნია, რაც არის იმის ერთგული ვიყოთ, ვიდრე მუდმივად ვცვლიდეთ რაღაცას. როგორ შეიძლება ბატის ფრთით დაწერილი დოკუმენტი, დღეს უფრო ადეკვატური იყოს, ვიდრე გუშინწინ, თუნდაც „ნაციონალური მოძრაობის“ მიერ დაწერილი კონსტიტუცია?!“- განაცხადა გიორგი მარგველაშვილმა.