"თუ შეთანხმება ვერ შედგა, მაშინ ესაა გამოსავალი"- მეჭიაური ოცნებიდან "რესპების" წასვლას პროგნოზირებს

პოლიტიკა - 17:00, 11 Jan, 2016

2675

საპარლამენტო უმრავლესობის წევრი თამაზ მეჭიაური კოალიცია „ქართულ ოცნებაში“ შემავალ ამბიციურ პარტიებს მომავალ არჩევნებში დამოუკიდებლად მონაწილეობას ურჩევს. აღნიშნული განცხადება პარლამენტის საფინანსო-საბიუჯეტო კომიტეტის თავმჯდომარემ გაზეთ „პრაიმტაიმთან“ ექსკლუზიურ ინტერვიუში გააკეთა:

„იმისთვის, რომ ყველა პარტიამ მიიღოს თავისი დამსახურების შესაბამისი ადგილები და არა იმდენი, რამდენის ამბიციაც აქვს, ამისთვის აჯობებს, განსაკუთრებით დიდი ამბიციის მქონე პარტიებმა დამოუკიდებლად მიიღონ მონაწილეობა არჩევნებში და რეალური რეიტინგი განისაზღვროს. ამას არჩევნებზე უკეთესად ვერავიბ დაადგენს. თუ გაირკვევა, რომ ექნებათ იმდენი ძალა და მხარდაჭერა, რომ დამოუკიდებლად მართონ ქვეყანა, ღმერთმა ხელი მოუმართოტ, თუ არა ~და იმ დოზით მიიღებენ თავის წილს, რამდენიც ექნებათ რეალური მხარდაჭერა და არა იმდენს , რამდენის სურვილიც აქვთ. სურვილები და რეალობა ერთმანეთისგან განსხვავდება. თუ „ქართული ოცნება“ და რესპუბლიკელები, ეს ორი სუბიექტი ვერ შეჯერდება იმ თანაფარდობაზე, რომელიც რეალურად ასახავს მათ შორის ბალანსს, რეიტინგების თვალსაზრისით. მაშინ დიდი ამბიციების მქონე პარტიებნა დამოუკიდებლად, მინიმუმ, ბარიერი მაინც ხომ უნდა გადალახონ?! ხომ ასეა?! თუ ბარიერს გადალახავენ ბლოკის გაკეთება შეეძლებათ მერე იმ თანაფარდობით, რა თანაფარდობითაც შევლენ პარლამენტში. ეს იქნება სამართლიანი. თუ სიებზე შეთანხმება ვერ შედგა, მაშინ ეს არის გამოსავალი“- განაცხადა თამაზ მეჭიაურმა.