ენერგეტიკის მინისტრი კახი კალაძე „გაზპრომის“ გარშემო ატეხილ აჟიოტაჟს ეხმაურება და ამბობს, რომ მოლაპარაკებები ქართული მხარისთვის მნიშვნელოვანია.

როგორც კალაძე ამბობს, რა ტრაგედიასაც "გაზპრომთან" დაკავშირებით ექსპერტები ხატავენ, არასწორია.

„პირველი წელი არ არის, როდესაც ქართულ მხარეს "გაზპრომთან" ურთიერთობა აქვს. არსებული ხელშეკრულების გადახედვა ყოველწლიურად ხდება, თუმცა ამ შემთხვევაში მოთხოვნა არის შეიცვალოს ხელშეკრულების პირობები - გადავიდეთ ფულად ანაზღაურებაზე ანუ ჩვენს მიერ გატარებული 10%-იანი მოცულობის მაგივრად გადაგვიხადონ თანხები. რამდენიმე შეხვედრა გაიმართა, თუმცა შეთანხმება მიღწეული არ არის. ბოლო ორი თვის განმავლობაში ჩვენ ვისმენთ გაუგებარ განცხადებებს ე.წ. ექსპერტების მხრიდან. თუ ვინმეს მართლა აქვს სერიოზული სურვილი გაიგოს დეტალები, ენერგეტიკის სამინისტრო, პირადად მე მზად ვარ ამ ადამიანებს . რაღაც ტრაგედიებს რომ ხატავენ ე.წ. ექსპერტები, არის მარაზმი და არასწორ“, - ამბობს კალაძე.