ქართველი კალათბურთელის ზაზა ფაჩულიას მხარდასაჭერად მთელი საქართველო გაერთიანდა. ზოგიერთი მხარდაჭერას იუმორისტული პოსტით გამოხატავს, მათ შორის არის "ტფილისის სტამბა", რომლის პოსტი სოციალურ ქსელში ძალიან პოპულარულია.

"ტფილისის სტამბა იუწყება, რომ ტფილისისა და ქუთაისის გუბერნიების კალათ-მობურთალთა გუნდის ატამანმა ფაჩულიანთ ზაზამ ამერიკაში დიდ წარმატებას მიაღწიაო. იგი თურმე ტეხასის შტატის ქალაქ დალასის მევერიკებში ბურთაობს და ბურთების მოხსნაში ვერავინ ჯაბნისო. ახლა კი კენჭსა უყრიან, იბურთაოს თუ არა ამერიკის ყოველ ვარსკვლავთა მატჩზედო. თქვენაც თუ გინდათ ფაჩულიანთ ზაზას კენჭი უყაროთ, უნდა თქვენს საბეჭდ მანქანებზედ ლათინური ასოებითა ‪#‎NBAvote Zaza Pachulia აკრიფოთო (vote - ინგლიცურად კენჭსა ნიშნამს) და თქვენს კედლებზედ მიაჭედოთო. თუკი ფაჩულიანთ ზაზა ბევრ კენჭებს დააგროვებს, სხვა გამოჩენილ კალათ-მობურთალებთან იასპარეზებს, როგორებიც ბრაიანთ კობი და დურაანთ კევინი არიან", - ნათქვამია პოსტში.