პრეზიდენტის განცხადებებს სრულად ვიზიარებ, ის ვეტოს ვერ გამოიყენებდა

პრეზიდენტის განცხადებებს სრულად ვიზიარებ, ის ვეტოს ვერ გამოიყენებდა - მამუკა კაციტაძე

პოლიტიკა - 15:08, 08 Jan, 2016

2114

საარჩევნო გარემოს გაუმჯობესებაზე მომუშავე ოპოზიციის ინტერპარტიული ჯგუფის ერთ-ერთი წევრი, "ახალი მემარჯვენეების" ლიდერი მამუკა კაციტაძე პრეზიდენტის მიერ საარჩევნო ცვლილებებზე ხელის მოაწერის ფაქტს გამოეხმაურა.

როგორც მან "ნიუპოსტს" განუცხადა, გიორგი მარგველაშვილმა მკაფიოდ გააკრიტიკა აღნიშნული კოდექსი.
"პრეზიდენტმა ძალიან მკაფიო განცხადება გააკეთა, იმასთან დაკავშირებით, რომ ცვლილება გამოიწვია საკონსტიტუციო სასამართლოს გადაწყვეტილებამ და არა ხელისუფლების პოლიტიკურმა ნებამ. მან ისაბრა ძალიან ფართო საზოგადოებრივი კონსესუსის აუცილებლობაზე. პრეზიდენტმა ყურადღება გაამახვილა თუ როგორი საარჩევნო მოდელის მიღება იქნებოდა უპრიანი. ეს იყო ქვეყნის პირველი პირისგან გაკეთებული აბსოლუტურად სწორი პოზიცია, რომელსაც სრულად ვიზიარებ"- აღნიშნა კაციტაძემ.
"ახალი მემარჯვენეების" ლიდერმა ასევე მოიწონა პრეზიდენტის მოწოდება, რომელმაც ხელისუფლებას მიმართავს, რომ ცვლილებები პოლიტიკური სპექტრის კონსესუსის საფუძველზე იქნას მიღებული და 2016 წლის არჩევნებისთვის იქნას გამოყენებული.
"ნიუპოსტის" კითხვაზე, რატომ არ გამოიყენა მარგველაშვილმა ვეტო, თუ ის მმართველი ძალის მიერ შემუშავებულ საარჩევნო კოდექსს არ ემხრობა, ოპოზიციის ერთ-ერთმა ლიდერმა აღნიშნა, რომ "ვეტოს გამოყენებას თავისი წესი აქვს".
"ვეტოს დადება პრეზიდენტს შეუძლია იმ კანონპროექტისთვის, რომელიც არის მისთვის შეთავაზებული. სხვა შემთხვევაში ვეტოს დადება მარტო იმიტომ რომ - არ მომწონს არ შეიძლება -კანინის მოთხოვნაა ასეთი. იმაზე რაზეც მარგველაშვილი დღეს საუბრობდა, იმ ფართო კონსესუსზე და სისტემურ ცვლილებაზე არის საკონსტიტუციო ცვლილების მსჯელობის საგანი და არა საარჩევნო კოდექსში შესატანი ცვლილების საგანი. პრეზიდფენტს ხელმოსაწერად მიუტანეს საარჩევნო კოდექსში შესატანი ცვლილების მომენტი, რაც პარლამენტმა განიხილა. აქიდან გამომდინარე ამ კანონს ვეტოს პრეზიდენტი ვერ დაადებდა"- აღნიშნა "ნიუპოსტთან" საუბრისას მამუკა კაციტაძემ.
პრეზიდენტმა საარჩევნო ცვლილებებს ხელი მოაწერა, თუმცა იქვე აღნიშნა, რომ "ეს ცვლილებები არანაირად არ არის ის საარჩევნო რეფორმა, რომელზეც ჩვენ წლებია, ვსაუბრობთ".
"ეს ცვლილებები განპირობებულია იმ მოთხოვნებით, რომელიც საკონსტიტუციო სასამართლომ თავის გადაწყვეტილებით დაადგინა. შესაბამისად, ეს სრულიად ტექნიკური ტიპის ცვლილებებია და რეალურად საარჩევნო რეფორმა, რომელიც პოლიტიკურ აქტორებს შორის სრულ თანხმობას და თამაშის წესებზე ერთიან შეხედულებას დაადგენდა, ჯერ ჩვენ არ გვაქვს," - განაცხადა მარგველაშვილმა.
ამასთან, ის ხელისუფლებას მოუწოდებს, რომ ცვლილებები პოლიტიკური სპექტრის კონსესუსის საფუძველზე იქნას მიღებული.