"არის შანსი რომ დავინახო"- ახალგაზრდა უსინათლო შემოქმედი საზოგადოებისგან დახმარებას ითხოვს

სოც.მედია - 10:15, 08 Jan, 2016

5015

მიუხედავად მხედველობის პრობლემებისა ახალგაზრდა შემოქმედი მაგდა ბეჟანიშვილი თვითონ ქმნის მუსიკას, წერს ლექსებს და უკრავს სხვადასხვა ინსტრუმენტზე. ის სამაუწყებლო კომპანია „თანამგზავრში“ ტელეწამყვანადაც მუშაობს და გადაცემა "Art - საათს" უძღვება:

ახალგაზრდა შემოქმედი საზოგადოებისგან დახმარებას ფეისბუკზე ითხოვს:

„ყველამ წაიკითხეთ და თუ არ დაგეზარებათ გააზიარეთ. 3 წლის ასაკში დავკარგე მხედველობა. უშედეგო ოპერაციებით მოვედი დღემდე. გამოვიარე წლები როცა საერთოდ არ ვფიქრობდი ამაზე და ეს თემა საკუთარ მესაც კი დავუხურე არამც თუ საზოგადოებას. მაგრამ ვიფიქრე, ვიფიქრე და მივხვდი, რომ უნდა გხედავდეთ! არ მინდოდა ამის დაპოსტვა და თქვენი შეწუხება. მართლა არ ვფიქრობდი ამაზე თუმცა არსებობს მატერიალური მხარე რასაც მარტო ვერ ვუწევ წინააღმდეგობას. სადღაც საქართველოდან შორს არის შანსი რომ ოპერაცია გავიკეთო და დავინახო. ეს არ ვიცი რომელ ქვეყანაშია და ამის გასარკვევად მჭირდება მიზერული თანხა. 500 ლარი. გთხოვთ ყველას. ვისაც გაქვთ სურვილი და საშუალება. დამეხმარეთ. ეს ანგარიშის ნომერია სადაც ჩემთან ერთად შეძლებთ თანხის მოგროვებას. წინასწარ ყველას დიდი მადლობა. მიყვარხართ!