საგარეო საქმეთა მინისტრი ადასტურებს, რომ მისი მოადგილის თანამდებობაზე დავით ზალკალიანის კანდიდატურა განიხილება.

მისი თქმით, დავით ზალკალიანი ძალიან ღირსეული და გამოცდილი კანდიდატურაა.

„ზალკალიანი პროფესიონალი დიპლომატი და ღირებული კადრია საგარეო საქმეთა სამინისტროსთვის. მე მასთან ერთად ძალიან მნიშვნელოვან საკითხზე მიმუშავია - მოგეხსენებათ, ერთად ვაწარმოებდით მოლაპარაკებებს ასოცირების შეთანხმებაზე. რა თქმა უნდა მას, როგორც კანდიდატს განვიხილავთ და თუ გადაწყვეტილება იქნება მიღებული, ამის შესახებ აუცილებლად გაიგებთ", - განაცხადა მიხეილ ჯანელიძემ.

როგორც ცნობილია, დავით ზალკალიანს საგარეო საქმეთა მინისტრის მოადგილის პოსტი პრემიერ-მინისტრმა გიორგი კვირიკაშვილმა შესთავაზა.