სპორტის მინისტრის ტარიელ ხეჩიკაშვილის თქმით, სკოლა „ოლიმპის“ მოსწავლეებს ვარჯიშის პრობლემა არ შეექმნებათ. ამის შესახებ ხეჩიკაშვილმა განცხადება სამინისტროსთან გააკეთა, სადაც "ოლიმპის" მოსწავლეებისა და მშობლების მორიგი აქცია გაიმართა.

"ყველა ჭკუათმყოფელი ადამიანი იმას იფიქრებს, რომ აუცილებელია ბავშვებისთვის ალტერნატიული ფართის მოძიება. არ უნდა შეწყდეს არც ერთი სპორტული აქტივობა ბავშვების მხრიდან", - განაცხადა ხეჩიკაშვილმა.

ესტონურმა კომპანიამ საფეხბურთო სკოლა „ოლიპმის“ სტადიონის დემონტაჟი გუშინ დაიწყო. „საბა პლუსის“ წარმომადგენლები ადგილზე დილის 07:00 საათზე მივიდნენ. როგორც კომპანიაში აცხადებენ, მათ სამუშაოს დაწყების ნებართვა აქვთ.