საფინანსო ზედამხდეველობის სააგენტოს საბჭოს წევრები სამუშაო პირობების შექმნას და ხელფასის დანიშვნას ითხოვენ.

აღნიშნული მოთხოვნით მათ წერილი პარლამენტის თავმჯდომარეს დავით უსუფაშვილს მიწერეს, რომელიც საკანონმდებლო ორგანოში უკვე შევიდა.

"როგორც მოგეხსენებათ, 2015 წლის სექტემბერში, პარლამენტის მიერ დამტკიცდა სსიპ „საფინანსო ზედამხედველობის სააგენტო“-ს საბჭოს შემადგენლობა, საბჭოს თავმჯდომარე და სააგენტოს უფროსი. სააგენტო დაუყონებლივ შეუდგა მუშაობას და მოახდინა: 1) სააგენტოს დებულების, 2) საშტატო ნუსხის 3) სააგენტოს ორგანიზაციული სტრუქტურისა და 4) სააგენტოს 2015 წლის ბიუჯეტის დამტკიცება. სააგენტოს ხსნებულ სხდომაზე, საბჭოს წევრის სტატუსით მონაწილეობას იღებდა ეროვნული ბანკის უფლებამოსილი წარმომადგენელი.

მიმდინარე წლის ოქტომბერში, საკონსტიტუციო სასამართლოს გადაწყვეტილებით სააგენტოს საბჭოსა და სააგენტოს უფროსს უფლებამოსილება შეეეზღუდათ გარკვეული ოპერაციების წარმართვისთვის, მაგრამ მთელ რიგ საკითხებზე მუშაობის უფლება კვლავ ძალაშია. შესაბამისად, სააგენტოს მუშაობისთვის საჭირო აუცილებელი პირობები (სამუშაო შენობა, კომპიუტერული ტექნიკა, სახელფასო ბიუჯეტი და სხვა) რაც კანონის მიხედვით ეროვნული ბანკის მიერ უნდა ყოფილიყო უზრუნველყოფილი ამ ეტაპზე არ შესრულებულა, ასევე არ არის განსაზღვრული სააგენტოს საბჭოს წევრების სარგო. გთხოვთ, დაავალოთ შესაბამისს კომიტეტს კანონის შესრულების მონიტორინგის განხორციელება", - აღნიშნულია წერილში, რომელსაც ხელს კოვზანაძე, ტერნესი, ურუმაშვილი და გალდავა აწერენ.