"თუ ვინმეს ქუჩაში ნახავთ მიუსაფარს, სიცივეში 112 ზე დარეკეთ, დავეხმაროთ მთავრობას და ერთმანეთს"

სოც.მედია - 18:20, 05 Jan, 2016

3342

მთავრობის ადმინისტრაციის უფროსის მოადგილე ნინო კობახიძე "დელისის" მეტროს მიწისქვეშა გადასასვლელში ხანშიშესული მამაკაცის გარდაცვალების ფაქტს ეხმაურება. კობახიძის თქმით გარდაცვლილი იური მაღლაკელიძე გულის შეტევით გარდაიცვალა და ის სიცივისგან არ გაყინულა. მთავრობის ადმინისტრაციის უფროსის მოადგილის თქმით ყველ;ა მოქალაქის პასუხისმგებლობა იქნება თუ ვინმე ქუჩაში გაიყინება, ამიტომ კობახიძე მოსახლეობას ურჩევს თუ ვინმეს ქუჩაში მიუსაფარს სიცივეში ნახავენ 112 ზე დარეკონ:
"გუშინ საღამოდან მოყოლებული ძალიან შევწუხდი გავრცელებული ინფორმაციის გამო, რომელიც გაყინულ ადამიანს ეხებოდა.. თავისთავად ყველა ჩემი ინფორმაციული ბერკეტი გამოვიყენე და გადავამოწმე რა მოხდა, რატომ მოხდა და გაიყინა თუ არა მოხუცი. შინაგან საქმეთა სამინისტროსგან მივიღე ამომწურავი იფორმაცია, რომ გარდაცვლილი იური მაღლაკელიძე გულის შეტევით გარდაიცვალა, ჰყავს ოჯახი და აქვს სახლი. (ოჯახის წევრების დაჟინებული მოთხოვნით ექპერტიზა არ ჩატარდა და გამოძიებაც არ გაგრძელდა, ალბათ ოჯახი გააკეთებს კომენტარს ამ თემაზე) პ.ს თავშესაფარი მგონი პირველად აქვს ქალაქს მიუსაფარი ადამიანების და ნამდვილად ყველა ჩვენთაგანის პასუხისმგებლობა იქნება თუ სიცივისგან ვინმე გაიყინება !
ნებისმიერ ასეთ შემთხვევაზე თუ ვინმეს ქუჩაში ნახავთ მიუსაფარს სიცივეში 112 ზე დარეკეთ .. დავეხმაროთ მთავრობას, მერიას და ერთმანეთს..."- წერს ნინო კობახიძე ფეისბუკზე.