განო მელითაური სოციალურ ქსელში საახალწლო ემოციურ სტატუსს აქვეყნებს და კიდევ ერთხელ უსვამს ხაზს მისი და კოტე თოლორდავას სიყვარულს, რომელიც მიუხედავად ყველაფრისა მაინც უკვდავია.

„ჩემო სიცოცხლეო!!! სანუკვარო!!! ყველაზე ნიჭიერო, შეყვარებულო ნათელო ათინათო!!!ჩემო დღესასწაულო სევდავ სიბრძნევ!!! ჩემი სხეულის და სულის განუყოფელო, ჩემო მფარველო!!!
ნუ გეშინია! დროის ქარტეხილები ვერაფერს დაგვაკლებენ! ჰო, ბედისწერავ! შენ გეუბნები! სადაც არ უნდა წაგეყვანათ, იმას, რასაც მის მიმართ განვიცდი განზომილების საზღვრები ვერაფერს დააკლებს! ვერც გარდაცვალება მოერევა! რამდენი პირობითი წელიც არ უნდა დამრჩეს დედამიწაზე, რამდენჯერაც არ უნდა მატკინონ გული მაინც ავდგები! აირევიან ამინდები, მაგრამ გპირდები, წელში გავიმართები, შენს საყვარელ სამოსში გამოვეწყობი და აუცილბლად, აუცილებლად გიპოვნი!
გპირდები ზუსტად ისე გავზრდი ჩვენს შვილებს, როგორც ერთად ვოცნებობით - ვასწავლი მთავარს - რას ნიშნავს მეორე ადამიანის სიყვარული!
თქვენ კი მეგობრებო, ყველას განურჩევლად თქვენი ასაკისა, სქესისა, ჩემს მიმართ დამოკიდებულებისა, გიურვებთ ი ს ე მ ა გ რ ა დ გ ა გ ი მ ა რ თ ლ ო დ ცხოვრებაში, როგორც მე და კოტე თოლორდავას გაგვიმართლა!“- წერს განო მელითაური ფეისბუკის საკუთარ გვერდზე.