თბილისის საქალაქო სასამართლოს თავმჯდომარე მამუკა ახვლედიანი უზენაესი სასამართლოს თავმჯდომარეს და იუსტიციის უმაღლეს საბჭოს აკრიტიკებს.

ახვლედიანს იუსტიციის უმაღლესი საბჭოს არამოსამართლე წევრებთან მოსამართლეების არჩევასთან დაკავშირებით კითხვები აქვს.

"ნამდვილად არავის აღარ ეშინია არანაირი განცხადების. მე ერთი რამის მეშინია, რომ ამ გაბრაზებულზე ქალბატონმა თეამ რაიმე კანონპროექტი არ მიიღოს. რამდენი ქალბატონი თეა გაბრაზდა, იმდენი ახალი კანონპროექტი მიიღო და ბევრი პრობლემატიკის სათავეც ალბათ აქ არის. ამ გაბრაზებულზე ნამდვილად მეშინია იმის, რომ რაიმე კანონპროექტი არ მიიღოს, რომ მოსამართლეები ვინმეს პირდაპირ არ დაგვიქვემდებაროს და ეს სისტემა სადმე სხვა უწყებას არ დაუქვემდებაროს. მე კითხვა მაქვს არამოსამართლე წევრებთან, რომ ის, რითაც დაასაბუთეს მოსამართლის დანიშვნა, ამ დასაბუთებით შეიძლება მოსამართლე დაინიშნოს? ჩემი აზრით არ შეიძლება და შეცდომა ზუსტად ეს არის," - განაცხადა მამუკა ახვლედიანმა.