საარჩევნო კოდექსზე მომუშავე ინტერპარტიული ჯგუფი შეხვედრას მართავს

საარჩევნო კოდექსზე მომუშავე ინტერპარტიული ჯგუფი შეხვედრას მართავს - ოპოზიცია ახალ პრემიერს მიმართავს

პოლიტიკა - 12:22, 04 Jan, 2016

1431

საარჩევნო გარემოს გაუმჯობესებაზე მომუშავე ოპოზიციის ინტერპარტიული ჯგუფი მორიგ სამუშაო შეხვედრას "თბილისი მარიოტში" მართავს.
შეხვედრის დაწყებამდე "ნიუპოსტს" იმ თემების შესახებ შეიტყო, რაზეც ოპოზიცია იმსჯელებს.
ოპოზიცია ახალ პრემიერ-მინისტრის სახელზე წერილს ამაზადებს, სადაც ისინი გიორგი კვირიკაშვილთან შეხვედრას და საარჩევნო ცვლილებების შესახებ საუბარს ითხოვენ.
ინტერპარტიული ჯგუფის წევრების განცხადებით, მათი არაერთი მოთხოვნის მიუხედავად ყოფილი პრემიერი შეხვედრაზე უარს ამბობდა, უმრავლესობამ კი საარჩევნო ცვლილება ფართო საზოგადოებრივ-პოლიტიკური კონსენსუსის გარეშე მიიღო. მიუხედავად იმისა, რომ ხელისუფლებას აღნიშნულ საკითხზე მსჯელობას ევროკომისია და ვენეციის კომისიაც პირდაპირ ავალდებულებდა.
დღესვე საარჩევნო გარემოს გაუმჯობესებაზე მომუშავე ოპოზიციის ინტერპარტიული ჯგუფი იმ წერილის საბოლოო ვარიანტზე შეჯერდება, რომელიც სწორედ ევროსაბჭოსა და ვენეციის კომისიას გადაეგზავნება.
წერილის ავტორები მოქმედ საარჩევნო გარემოს აპროტესტებენ და არჩევნების პროპორციული სისტემით ჩატარებას ითხოვენ.
მათი თქმით, უნდა გასაზღვროს ფუნდამენტური საარჩევნო რეფორმის ძირითად პრიორიტები დღევანდელი ქართული საზოგადოების მოთხოვნების გათვალისწინებით.
არასაპარლამენტო და საპარლამენტო ოპოზიცია მაჟორიტარული სისტემის გაუქმებას და არჩევნების პროპორციული სისტემით ჩატარებას ითხოვს. როგორც ხელისუფლების წარმომადგენლები ამბობენ, ცვლილება 2020 წლიდან ამოქმედდება, თუმცა ოპოზიციაში ამბობენ, რომ რეფორმის განხორციელება 2016 წლისთვისაც შესაძლებელია. რამდენიმე კვირის წინ საპარლამენტო და არასაპარლამენტო ოპოზიციამ პარლამენტში საარჩევნო სისტემის ცვლილების მოთხოვნით 240 ათასი ხელმოწერა შეიტანა.