თბილისის მერი დავით ნარმანია მიიჩნევს, რომ ექსპრემირმა ბიძინა ივანიშვილმა მასთან დაკავშირებით სათანადო შეფასებები გააკეთა.

ნარმანია მისი უწყების საქმიანობას დადებითად აფასებს და ამბობს, რომ თბილისის მერია მიმდინარე საქმეებთან მიმართებაში ოპერატიულია.

„წლის განმავლობაში ჩვენ ძალიან ბევრი ვიმუშავეთ, რაც ძალიან კარგად იცის ბატონმა ბიძინამ. ვფიქრობ, რომ მან სათანადო შეფასებები გააკეთა. რთულ საკითხებთან მიმართებაში ჩვენ ვცდილობთ, რომ ჯერ გამოვიკვლიოთ და შემდეგ დავიწყოთ რთული საქმის გაკეთება, რათა არ შევცდეთ, როგორც ჩვენი წინამორბედები ცდებოდნენ, რაც ცოტა მეტ დროსთან არის დაკავშირებული, მაგრამ ჯობია, ასე გავაკეთოთ. მიმდინარე საქმეებთან მიმართებაში ჩვენ ოპერატიულები ვართ,“ - განაცხადა დავით ნარმანიამ.

საქარველოს ყოფილი პრემიერ-მინისტრი ბიძინა ივანიშვილი თბილისის მერის მუშაობას დადებითად აფასებს.როგორც გადაცემა 2030-ის ეთერში სტუმრობისას ივანიშვილმა განაცხადა, დედაქალაქში ბევრი ისეთი პრობლემაა, რომელშიც მერიის ბრალეულობა არ არის.