პრეზიდენტს სასამართლოზე გავლენის მოპოვება სურს, ამ ყველაფერს სათავეში უდგას რუსთავი 2

პრეზიდენტს სასამართლოზე გავლენის მოპოვება სურს, ამ ყველაფერს სათავეში უდგას რუსთავი 2 - ივანიშვილი

პოლიტიკა - 22:14, 30 Dec, 2015

1627

საქართველოს ყოფილი პრემიერ-მინისტის ბიძინა ივანიშვილის თქმით, პრეზიდენტს სასამართლოზე გავლენის მოპოვება სურს.

მისი თქმით, გიორგი მარგველაშვილის ამისთვის ლევან მურუსიძის გარშემო ატეხილ აჟოიტაჟს იყენებს. ექსპრემიერის განცხადებით, პროცესებს სათავისოდ იყენებს ტელეკომპანია „რუსთავი 2“-ი.

"ხელისუფლების ნაწილმა, მათ შორის პრეზიდენტმა დაიწყო სასამართლოზე გავლენის მოპოვების მცდელობა. პრეზიდენტმა მოსვლისთანავე მოისურვა სააკაშვილზე მეტი ხელისუფლება. უსუფაშვილს შვიდჯერ დავაწერინეთ კონსტიტუცია, თუ რა უფლება ექნებოდა პრეზიდენტს. შვიდივეზე უარი თქვა და რაღაც საოცრებებს ითხოვდა. მას უნდოდა პრემიერის და საკუთარი გუნდის უფროსი ყოფილიყო. ამას ვერ ახერხებდა და ეხლა მოახერხა სასამართლოზე ზეწოლა. კარგად იკვეთება თუ ვისგან არის მართული სასამართლოსთან დაკავშირებული პროცესები. უნდათ მიაწერონ ეს „ქართულ ოცნებას“, რომ ლევან მურუსიძის დანიშვნა მათ უნდათ. გეტყვით, რომ კოალიციის ზოგიერთი წევრი განცხადებების დროს აჭარბებს და ერევა სასამართლოს უფლებებში. ზოგი ახსენებს ყველას, რომ სასამართლო დამოუკიდებელია და მურუსიძის დანიშვნა მათი უფლებაა. მეც არ მომწონს მისი დანიშვნა, მაგრამ ეს არ არის კატასტროფა. ის 3 წლით აირჩიეს. ის რა დონეზეც ეს თემა მუსირებს, მსგავსიც კი არაფერი ხდება. კიდევ ერთი რამ, ამ ყველაფერს სათავეში უდგას „რუსთავი 2“ და ამ პროცესებს იყენებს თავიდან ბოლომდე იკვეთება ესეც სხვადასხვა პრეზიდენტის ხელწერებში. ეს ყველაფერი რაც ხდება არის პრეზიდენტის მხრიდან მცდელობა სასამართლოზე გავლენის მოსაპოვებლად", - ამბობს ივანიშვილი.